الرئيس السيسي يتحدث الدولة لم تترك قطاع إلا وتدخلت فيه

تقرير إسماعيل السعيد

الرئيس السيسي يتحدث للمصريين عن مجهودات وإنجازات الدولة في عشر سنوات

الرئيس عبد الفتاح السيسى: الدولة مش سايبة قطاع إلا وداخلة فيه بس يمكن البعض مابيشوفش غير الكباري عشان بيمشوا عليها

الرئيس عبد الفتاح السيسي : إن الدولة المصرية لا تغفل قطاعًا سواء اتصالات، تعليم، صناعة، أو زراعة، مردفا: مش سايبين قطاع في مصر، وبقول للناس ما تتعودوش اللي يتقالكم ترددوه.. احنا مابنخافش عشان معانا ربنا ودا أقصى حاجة ممكن نعملها.

إن شبكة الطرق كانت تخدم في السابق 30 مليون نسمة، معقبا: “مستغربين قوي من التكاليف.. خليني أقول لكم إن شبكة الطرق كانت تخدم 30 مليونا وعلشان كده ما كنتش تبني تنمية ولا حركة.. نحاول نعمل شبكة تناسب 100 مليون ويمكن لمدة 10 سنين كمان”.

وأضاف الرئيس عبدالفتاح السيسي، خلال افتتاح محور التعمير بالإسكندرية: “محور زى النوبارية كان ممكن ما يكلفناش لو ما كانش الناس اتعدوا على جسر المحور”.

وواصل الرئيس: “دفعنا 700 مليون جنيه تعويض اجتماعي لأكثر من ألف أو ألفين وحدة على أرض دولة في محور المحمودية.. معقبا ،”يعني رغم إنه مخالف ومش أرضه لكن قلنا ما نقدرش نسيب الناس كده ونمشيها.. اللواء هشام قال محتاجين 700 مليون جنيه لإخلاء المكان وإنشاء طريق بطول 70 كيلو”.

وأكد الرئيس عبدالفتاح السيسي، أن: “كل محافظ عليه أن يمنع أي تعدي على أرض أملاك دولة، أو حرم طريق، أو جسر طريق”.

وأشار الرئيس السيسي، إلى أن ” الكل بيضر نفسه، لما بتتعدى على الطرق بتتسبب في مشكلات، مؤكدًا: مفيش حد بيدفع من جيبه، دي فلوس مصر، ولازم نحافظ عليها