بالفيديو| أحمد زاهر لمتابعيه: ده بروفايلي الشخصي، لو مش عاجبك متتابعنيش

كتب: جوهر الجمل

رد النجم أحمد زاهر علي متابعيه في حسابه الرسمي بموقع «انستجرام» الذين تنمروا بصورته مع ابنته «ليلي»،وذلك خلال  مداخلة مع برنامج «القاهرة الآن» مع الإعلامية لميس الحديدي،قائلا: «ده بروفايلي الشخصي، لو مش عاجبك متتابعنيش».

وأضاف زاهر ، قائلا: «دي بنتي، اتصورت معاها في البيسين، وكنت حاضنها ومداري كل حاجة، ومش هطلع صورة بنتي بالمايوه، مستحيل».

تابع : «بيقولوا لي: أنت إزاي تحضن بنتك ،دي بنتي، يعني حتة مني، يعني كل حاجة ليا، لأ هحضنها، فين الجريمة اللي عملتها».

وأكمل أحمد زاهر : «إحنا أسرة محترمة، في لبسنا، وفي شكلنا، ده أسلوب حياتنا، وأنا مش باتجمل على الناس، والصورة دي من فترة، والناس بيشتموني عليها».

كما أكد زاهر: «أنا متصور مع بنتي، مش مع واحدة شاقطها من الشارع، وأنا قررت أي حد هيشتمني أو يعلق على بناتي لن أسمح، هقدم بلاغات ضده، دي وجعتني أوي، ووجعت بنتي».