كتب احمد عبد المنعم
قصيدة جديدة للشاعرة مريم بنت الاسكندرية شاعرة الرومانسية تعبر عن جمال الكلمات وروعه الاحساس شابه جامعيه مثقفة متنوعة المواهب والهوايات تتأمل الكلمات بداخلها قبل أن تنطق بها لها مستقبل مشرق فى كتابه والقاء الشعر فى مصر والوطن العربى .
القصيدة:-
لو كنت استنيت شويه
لو عينك كانت جت ف عنيا
كنت شوفت شوقي ليك
اكبر من كل الدنيا ديه
ده انا ملحقتش اشبع منك
اعذرني اصلك كنت اكمنك
اقرب حد واغلي ما ليا
ليه مشيت بدري ومستنتش
واستكترت الفرحه عليا
وجعت قلبي ومتكلمش
ليه حابب دمعتي ف عنيا
شوفتك حلم وليه مكملش
اه لو كنت استنيت شويه
كنت احكيلك ع اللي جرالي
كنت اشكيلك عن احوالي
كنت اسيب الدنيا واجري
علي حضنك ده انت اللي ف بالي
كنت هقولك انك فارق
ازاي هونت عليك وتفارق
مهما حكتلك مش هتصدق
من بعدك ايه اللي جرالي
