كتب/ محمد خاطر
خطف النجم محمد فؤاد، أنظار جمهوره ومحبيه إلى أحدث أغانيه خلال 2021، إذ أكد على طرح أغنيته الجديدة عبر حسابه الشخصي على موقع إنستجرام، وشارك صورة له، معلقا عليها: ” قريباً أحدث أغنية في 2021، كونوا مستعدين “.
فؤاد على انستجرام
وأشار فؤاد خلال تصريحات صحفية في وقت سابق: ” الجدل اللى حاصل على أغنية الحفلة مش مفاجئ بالنسبة لى ومتوقع، والحمد لله اشتغلنا على إننا نعمل أغنية تشد الناس وتطرح تساؤلات، البعض يعجب بيها ويتقبلها، ناس تانية ترفضها، ده طبيعى وده من أيام كمننا وحيران، وأغنية فالسكة فالسكة، الحمد لله بنقى الحاجة الغريبة على ودان الناس وتخلق حالة من الجدل، أى حاجة جديدة بتخض فى الأول “.
الفنان محمد فؤاد
وتابع فؤاد: ” إنه يرفض إتهامه بالكسل مؤكدا، “عمري ما كنت كسلان وعلي مدار 10 سنين عمري ما غبت عن الاستوديو ولا توقفت، انا عامل حوالي 4 أو 5 ألبومات، هعصرهم وأطلع منهم ألبومين أو ألبوم أطرح منه أغنية كل 10 أيام، ووعد الأغاني هتكون مشرفه لمحمد فؤاد وللجمهور الكبير اللي متابع من زمان ومستني “.
وأنهى فؤاد كلامه، قائلا: ” لازم نجدد ونفكر فى اتجاهات مختلفة وندور على أغانى برة الصندوق، ونكسر حالة الملل ونفوق الناس، الأغنية ليها هدف نبيل وهو إنها تخرجك من حالة الإحباط وتشاور على مربع من التفاؤل “.
