.. من أشهر دكاترة الباطنة في مصر والوطن العربي…
كان كل لما يروح حفلة أو يستضيفوه في برنامج يحكي موقف حصله…
بيقول أنه في مَره إتصل عليه الشيخ الشعراوي رحمه الله بيحجز عنده علشان يروحله العيادة ويكشف….
الدكتور حُسام اتكسف منه وقاله: لا والله يامولانا أنا اللي هاجيلك لحد بيتك ..
وبالفعل راح للشيخ ..
الدكتور حسام كشف على الشيخ و اطمن على صحته…
بعد الكشف سأله الدكتور حسام:
“ايه يامولانا أفضل عبادة أعملها تقربني من ربنا سُبحانه وتعالي، خصوصًا إني في أواخر عُمري؟”
الشيخ قاله: خَمن أنت يا دكتور حُسام ايه أفضل عبادة ؟!!
الدكتور حُسام قاله: الصلاة؟
الشيخ قاله لا ..
قاله طيب الصيام؟ قاله لا ..
قاله العُمرة ؟ قاله لا…
ورد الشيخ عليه وقاله أفضل عبادة هي:
“جبر الخاطر”
قاله ازاي ده يامولانا؟!!
دليلك ايه ع الكلام دا يا مولانا؟
فرد عليه الشيخ وقال له:
“من ألعن من الذي يكذب بالدين؟!”
يعني من ألعن من شخص بيقول مفيش ربنا ولا في رسول والعياذ بالله؟
قاله فعلا يامولانا مافيش اصعب من كدا !!
رد الشيخ وقاله ربنا بيقول : أرأيت الذي يُكذب بالدين ؟!
شايف اللي بيكذب بالدين بيعمل ايه؟
“فذلك الذي يدُع اليتيم” يعني بيكسر خاطر اليتيم ..
ولا يحُض على طعام المسكين”
يعني بيطرد المساكين ومبيأكلهمش ومبيجبرش خاطرهم !
تالت حاجه ايه بقي؟
قال:
“فويل للمصلين”
اذا تالت حاجة قالها الصلاة ! ..
يعني أول حاجتين ربنا ذكرهم هما:
جبر الخاطر والتالتة الصلاة ! ..
الدكتور حُسام بيقول خدت النصيحة بتاعت الشيخ في بالي و اتوكلت على الله روحت…
تاني يوم كان اجازتي .. وفي هذا اليوم أنا متعود أنزل يوم اجازتي اشتري شوية حاجات لمراتي…. الخُضار واللحمة والذي منه….
وبيته في ٦ أكتوبر وهو كان بيشتري الحاجات من وسط البلد….
وهو مروح افتكر مكالمة تليفون كانت جياله من جاره بيقوله:
“جبر خاطر يا دكتور ابقى عدي علي حماتي راقده عندك في المستشفي مريضة .. اطمن عليها وطمنا”
قال افتكرت نصيحة الشيخ “اجبر خاطرًا ” !
وجاري قالي جبر خاطر….
فحسيت انها رسالة من ربنا ومبعوتالي!
بالفعل قررت أعدي على المستشفي اللي بيشتغل فيها علشان أجبر خاطر جاري ورحت لحماته في المستشفي…
فجأة جالي وجع شديد في صدري و أنا في المُستشفى وأخذت الدوا بعدها بدقيقتن لأني عرفت إن جالي جلطة في شُريان القلب، فندهت ع الدكتور قولتله اديلي دوا كذا .. وفورًا اداني الدوا ..
الجلطة دي لو كانت جاتلي و أنا بعيد عن المُستشفي أو روحت وطنشت جاري كنت موت فورًا لأن أقوى إنسان في الدُنيا لو جاتله جلطة في الشريان التاجي هيموت بعدها ب ٥ دقايق لو مخدش الدُعامة!
فسُبحان الله وكأن ربنا بيقولي جبرت بخاطر جارك وخدت بالنصيحة .. جبرت انا بخاطرك وانقذت حياتك ! :))
– العبادات عامله زي الابواب ” الصلاه باب .. الصيام باب .. جبر الخواطر باب ..
خلي باب مفتوح بينك وبين ربنا .. متعرفش هتدخل من انهي باب الجنه ..
حتة السمكه اللي بتحدفها لقُطه ممكن تكون سبب دخولك الجنه ..
متقفلش كُل الأبواب…
علماء المُسلمين بيقولوا ” من سار بين الناس جابرا للخواطر أدركه الله فى جوف المخاطر! ”
قلقان من امتحان ؟ اجبر بخاطر حد ..
خايف من بُكره ؟ اجبر خاطر ..
نفسك ربنا يحققلك شيء معين ايًا كان ف نظر الناس مُستحيل اجبر بخاطر حد ..
ربنا بيستحي من عبده انه يجبر بخاطر عبادة وميجبرش ربنا بخاطره ! ..
ربنا متعبدش بحاجه أفضل من جبر الخواطر ..
اللي مبيتغطاش كويس بيصحي الصُبح عنده برد .. اتغطي بجدعنتك و انسانيتك هتلاقي ربنا يكفيك شر المستخبي .. النبي علشان كَشر في وش اعمى ومش قاصد ! ربنا عاتبه في القُران ..
دا أعمى يارب ؟ ولو أعمى بس إنسان !
ست عجوزه كانت عاوزه تصلي ورا النبي .. ومش قادرة تمشي ..
راحلها بيتها هو والخادم بتاعه وصلى بيها ف بيتها ! ..
والله الدُنيا بحالها ماتسوي قصاد لمعان عيون بنتك او اختك او مراتك وانت جابر بخاطرها ومفرحها ..
اللي بيجبر بخواطر الناس لو راح لربنا مكسور الجناح ربنا مايرجعوش الا وهو طاير !
الامام مالك بن دينار ربنا هداه وتاب عليه عشان اشتري حلاوه لبنتين ايتام وجبر خواطرهم ..
القماشه الحلوه بتفرض نفسها ع السوق .. خلي قماشة قلبك نضيفه و ملهاش زي .. فارض نفسك وسط سوق بشر مليان قلوب مرقعه ! .. ن
اللي مالوش قلب طيب مالهوش رزق كبير !!
أحب أقولك أنك عبد مُميز عند ربنا عشان قريت الكلام دا وهداك تعرفه .. ليه ؟. لأن النبي ﷺ
قال “إن لله أقواماً اختصهم بالنِّعم لمنافع عباده”
وما أجمل أن تنفع الناس بجبر خواطرهم :))
قبل الموعد المخطط بشهرين.. بدء الإنتاج من حقل غاز غرب مينا بالبحر المتوسط
19 نوفمبر، 2026
وزير البترول : يشهد توقيع مذكرة تفاهم بين الهيئة المصرية العامة للبترول ويونايتد إنرجي جروب للتوسع في استخدام الطاقة المتجددة
19 نوفمبر، 2026
وزير البترول والثروة المعدنية يشهد توقيع اتفاقيتين مع شركة نسر العالمية للتوسع في تطبيق تكنولوجيات التكسير الهيدروليكي والحفر الأفقي بالصحراء الغربية
18 نوفمبر، 2026
تحت رعاية البنك المركزي المصري ،بنك قناة السويس يفتتح مصنعًا خيريًا بمحافظة الجيزة لدعم التمكين الاقتصادي للصم وضعاف السمع والمرأة المعيلة بالتعاون مع مؤسسة مصر للتنمية
17 نوفمبر، 2026
وزير البترول والثروة المعدنية يهنئ العاملين والعاملات بالقطاع بمناسبة عيد البترول المصري الـ51.. ويشيد بجهودهم وإخلاصهم في مواقع العمل والإنتاج
15 نوفمبر، 2026
وزير البترول والثروة المعدنية : يشارك في جلسة للقمة العشرين للفرانكوفونية ويعقد لقاءات ثنائية مع وزراء خارجية الجابون وغينيا ولوكسمبورج لبحث تعزيز التعاون المشترك
15 نوفمبر، 2026
وزير البترول والثروة المعدنية : يشارك في جلسة للقمة العشرين للفرانكوفونية ويعقد لقاءات ثنائية مع وزراء خارجية الجابون وغينيا ولوكسمبورج لبحث تعزيز التعاون المشترك
15 نوفمبر، 2026
نيابة عن فخامة الرئيس عبد الفتاح السيسي .. وزير البترول والثروة المعدنية يمثل مصر في افتتاح القمة العشرين لرؤساء دول وحكومات المنظمة الدولية للفرانكوفونية بكمبوديا
12 نوفمبر، 2026
المصرف المتحد يقدم أعلى عائد ثابت على شهادات الادخار في مصر، شهادة «تميز» بعائد يصل إلى 19.5% سنويًا
12 نوفمبر، 2026
بنك قناة السويس : يواصل مسيرة النمو القوي ويحقق أرباحاً قياسية بقيمة 5.7 مليار جنيه بنهاية سبتمبر 2026 مع نمو المركز المالي بنسبة 18%
انضم إلى مجتمع الوطنية
اشترك في قائمتنا البريدية للحصول على التحديثات الجديدة!
!